30.2 C
Assam
Sunday, August 14, 2022

Featured News

Assam: Hindu man’s body buried after villagers refused to assist with cremation, exhumed

District administration officials in Assam's Darrang have...

BTC EM Wilson Hasda takes part in Bike Rally as part of #AzadiKaAmritMahotsav

Gossaigaon: Bodoland Territorial Council(BTC) Executive Member(EM) on...

আৰক্ষীত ২৫ সহস্রাধিকক নিযুক্তি দিব চৰকাৰে

Assamese Newsআৰক্ষীত ২৫ সহস্রাধিকক নিযুক্তি দিব চৰকাৰে

ৰাজ্যখনত নতুন আউটপোষ্ট, আৰক্ষী থানা স্থাপনৰ লগতে ১০টা কমাণ্ডো বেটেলিয়ন গঠন কৰিব৷ সোমবাৰে সদনত এই ঘোষণা মুখ্যমন্ত্রী ড০ হিমন্ত বিশ্ব শর্মাৰ৷ বিধায়ক বচিৰ আহমেদ কাছিমীৰ এটা প্রশ্নৰ উত্তৰত মুখ্যমন্ত্রী ড০ শর্মাই কয় যে অসম আৰক্ষীয়ে বর্তমান ৰাজ্যখনত নতুন আউটপোষ্ট স্থাপন, আৰক্ষী থানা স্থাপন, নতুন বেটেলিয়ন গঠন সম্পর্কত পর্যালোচনা কৰি আছে৷ ইয়াৰ লগত ১ লাখ নিবনুৱাক চাকৰি দিয়াৰ প্রতিশ্রুতিৰ প্রসংগও জড়িত হৈ আছে৷ ইতিমধ্যে নতুন ১০টা কমাণ্ডো বেটেলিয়ন খোলাৰ সিদ্ধান্ত লোৱা হৈছে৷ ননৰিক’গনাইজ আউটপোষ্টক আউটপোষ্টলৈ, আউটপোষ্টক আৰক্ষী থানালৈ উন্নীত কৰাৰ ব্যৱস্থা কৰা হ’ব৷ সেয়ে তেওঁ বিধায়কসকলক প্রয়োজনীয়তাৰ ভিত্তিত আউটপোষ্ট, থানা গঠন কৰিবলগীয়া স্থানৰ তালিকা আৰক্ষী–সঞ্চালকপ্রধানৰ ওচৰত দাখিল কৰিবলৈ আহ্বান জনায়৷

বিধায়কসকলৰ সেই পৰামর্শ গৃহ বিভাগে পর্যালোচনাৰ সময়ত বিবেচনালৈ আনিব৷ অপৰাধ, স্পর্শকাতৰতালৈ চাই আৰক্ষী থানা, আউটপোষ্ট স্থাপন কৰা হয় বুলি উল্লেখ কৰি মুখ্যমন্ত্রী ড০ শর্মাই কয় যে বিধায়কসকলক সেই দিশলৈ চাই তালিকা দাখিল কৰিবলৈ পৰামর্শ আগবঢ়ায়৷ সেইদৰে ৰাজ্য চৰকাৰে নতুনকৈ গঠন কৰিবলগীয়া ১০টা কমাণ্ডো বেটেলিয়নৰ এটা বেটেলিয়ন নাগালেণ্ড সীমান্তৰ কার্বি আংলং জিলাৰ ধনশিৰিত স্থাপন কৰা হ’ব বুলিও মুখ্যমন্ত্রী ড০ শর্মাই সদনত প্রকাশ কৰে৷

ইপিনে, বিধায়ক দুর্গাদাস বড়োৰ এটা প্রশ্নৰ উত্তৰত মুখ্যমন্ত্রী ড০ শর্মাই কয় যে অসম আৰক্ষীত ২০১৬ চনৰ পৰা বর্তমানলৈকে সর্বমুঠ ১৫,২৪৮টা খালী পদ আছে৷ ইয়াৰে পদোন্নতিৰ জৰিয়তে পূৰণ কৰিবলগীয়া খালী পদৰ সংখ্যা ৪,৫৩৭টা আৰু পোনপটীয়া নিযুক্তিৰ জৰিয়তে পূৰণ কৰিবলগীয়া পদৰ সংখ্যা ১০,৭১১টা৷ পদসমূহ পূৰণৰ বাবে যাৱতীয়া ব্যৱস্থা গ্রহণ কৰি থকা হৈছে৷

সেইদৰে অসম আৰক্ষীত জিলাভিত্তিক চতুর্থবর্গৰ খালী পদৰ সংখ্যা ১,১০৯টা আৰু নিম্নবর্গৰ খালী থকা পদৰ সংখ্যা ১৩,৫৯১টা৷ বর্তমান পোনপটীয়া নিযুক্তিৰ জৰিয়তে পূৰণ কৰিবলগীয়া খালী পদসমূহৰ কিছুসংখ্যক পদৰ চৰকাৰৰ অনুমোদন সাপেক্ষে নিযুক্তি প্রক্রিয়া চলাই থকা হৈছে৷

 

Check out our other content

Check out other tags:

Most Popular Articles

error: Content is protected !!
%d bloggers like this: