fbpx
November 23, 2018

Journalist’s in target of Goons in Rupahihat, Nagaon.

কংগ্ৰেছ দলৰ প্ৰাৰ্থী দিয়াক লৈ খৰ্গহস্ত হৈ এচাম লোকে নিৰ্দলীয় প্ৰাৰ্থী থিয় কৰাই জুৰীয়া শিয়াল মাৰিত এটি কাৰ্য্যালয় স্থাপন কৰে ৷ উক্ত নিৰ্দলীয় প্ৰাৰ্থীৰ কাৰ্য্যালয়ৰ সন্মুখতে কংগ্ৰেছ দলেও এটি কাৰ্য্যালয় স্থাপন কৰে ৷ যোৱা নিশা এই কংগ্ৰেছ কাৰ্য্যালয়তে ৰূপহীহাট সমষ্টিৰ বিধায়ক নুৰুল হুদাৰ উপস্থিতিতে এচাম লোকে নুৰুল হুদা গৈ বেক , চাউল চোৰ গৈ বেক ধ্বনি দি পৰিস্থিতি উতপ্ত কৰি তোলে ৷ এই তথ্য লাভ কৰি জুৰীয়াৰ নিউজ লাইভৰ সাংবাদিক আবু আনছাৰি , নিউজ 18 ৰ সাংবাদিক মুজ্জামিল হক আৰু প্ৰতিদিন টাইমৰ সাংবাদিক বাবুল শইকীয়া তাত উপস্থিত হয় ৷ সাংবাদিক কেইজনে সভাত হোৱা পৰিস্থিতিৰ বিষয়ে জানিবলৈ চেষ্টা কৰাৰ সময়তে এচাম কংগ্ৰেছী গুন্দা বাহিনীয়ে আক্ৰমণৰ লক্ষ্য কৰি লয় তেওঁলোকক ৷ চোচৰাই টানি নিয়াৰো চেষ্টা কৰে সাংবাদিক সকলক ৷ তাৰ মাজতে সুৰুঙা লৈ পলাই আহিবলৈ সক্ষম হয় সাংবাদিক কেইজন ৷ চামগুৰিত গুন্দামীৰে ৰকিবুল হুছেইনৰ চামচা গিৰি কৰি ৰূপহী হাটত টিকট লাভ কৰি নুৰুল হুদাই এতিয়া ৰূপহীহাটতো আৰম্ভ কৰিব বিচাৰিছে তেওঁৰ সেই কৰ্ম সুচী ৷ পঞ্চায়ত নিৰ্বাচনতেই এনেদৰে গুন্দামী আৰম্ভ কৰা বিধায়ক নুৰুল হুদা বাহিনীয়ে অনাগত নিৰ্বাচনত আৰু কি নকৰিব তাক লৈ চিন্তিত হৈ পৰিছে সকলো ৷ এই ঘটনাক লৈ জুৰীয়া প্ৰেছ ক্লাৱে জুৰীয়া থানাত এক গোচৰ তৰিছে ৷

জুৰীয়াৰ পৰা পদুম ভূঞাৰ ৰিপৰ্ট, গুৱাহাটী টাইমচ ।

error: Content is protected !!