ভাৰতৰ অন্যতম ধনী ব্যক্তি তথা প্ৰবীণ উদ্যোগপতি ৰতন টাটাক চিনি নোপোৱা হয়টো কোনো নোলাব। দেশৰ শীৰ্ষ ব্যৱসায়ীসকলৰ তালিকাত তেওঁৰ নাম একেবাৰে শীৰ্ষত আছে। ইয়াৰ উপৰিও তেওঁ নিজৰ কঠোৰ পৰিশ্ৰম আৰু নিষ্ঠাৰ জৰিয়তে টাটা গ্ৰুপলৈ বিশ্বজুৰি স্বীকৃতি কঢ়িয়াই আনিছে। সৰ্বোপৰি তেওঁৰ সহজ-সৰল, অনাড়ম্বৰ জীৱনশৈলীয়ে সকলোকে আচৰিত কৰি তুলিছিল। আৰু সেইবাবেই তেওঁৰ অনুৰাগীৰ সংখ্যা দিনক দিনে বৃদ্ধি পাইছে। মূলতঃ ৰতন টাটাই জীৱনৰ কেইবাটাও কথা অনুসৰণ কৰি সফলতা অৰ্জন কৰিছে। আজিৰ এই প্ৰতিবেদনত সেই প্ৰসংগত বিতং তথ্য দাঙি ধৰা হৈছে।
১. কৰ্মই সকলো: ৰতন টাটাৰ বিশ্বাস যে কাম কৰিলে পূজাৰ সমান বুলি গণ্য কৰক। লগতে যিকোনো কামত কঠোৰ পৰিশ্ৰম আৰু মনোযোগ দিয়ক।
২. আপোনাৰ চিন্তাধাৰা বহল কৰকঃ এই প্ৰবীণ উদ্যোগপতিগৰাকীয়ে বিশ্বাস কৰে যে জীৱনত যিকোনো কাম কৰিবলৈ হ’লে প্ৰথমে চিন্তাৰ দিগন্ত বহল কৰিব লাগিব। অৰ্থাৎ ডাঙৰ চিন্তা কৰক। যেতিয়া আপুনি ডাঙৰ সপোন দেখিব তেতিয়া সেই সপোন বাস্তৱায়িত কৰিবলৈ আপুনি কঠোৰ পৰিশ্ৰম কৰিব।
৩. সকলোকে সন্মান কৰকঃ সফলতাৰ শিখৰত উপনীত হোৱাৰ পিছতো ৰতন টাটাই সকলোকে সন্মান কৰে। আনকি নৱপ্ৰজন্মৰ লগতো তেওঁ যথেষ্ট সন্মানেৰে কথা কয়। আৰু তেওঁৰ এই গুণে তেওঁক অনন্য কৰি তোলে। তেওঁৰ মতে সদায় আনৰ প্ৰতি সন্মান প্ৰদৰ্শন কৰা উচিত।
৪. আত্মবিশ্বাস: ৰতন টাটাৰ মতে প্ৰথমে নিজকে বিশ্বাস কৰক। যদি আপোনাৰ নিজৰ ওপৰত সঠিক আস্থা থাকে তেন্তে আপুনি যিকোনো কাম অতি সহজে কৰিব পাৰে। অৰ্থাৎ একোৱেই বাধা দিব নোৱাৰে।
৫. সামূহিকভাৱে যাওক: টাটাৰ মতে এজন ব্যক্তিয়ে কেৱল অলপ দূৰলৈকেহে যাব পাৰে। কিন্তু, যদি আপুনি একেলগে কাম কৰে বা কিবা এটা কৰে, তেন্তে আপুনি আপোনাৰ নিৰ্ধাৰিত লক্ষ্যত অতি সহজে উপনীত হ’ব পাৰিব।
৬. অনুশাসনৰ প্ৰয়োজন: সফলতাৰ বাবে প্ৰথম নিয়ম হ’ল অনুশাসন। ৰতন টাটাইও জীৱনত এই নিয়ম কঠোৰভাৱে পালন কৰিছিল। ৰাতিপুৱা সোনকালে সাৰ পাই সকলো কাম সময়মতে সম্পূৰ্ণ কৰে।
৭. বিশ্বাস গঢ়ি তোলা: ৰতন টাটাৰ বিশ্বাস যে যেতিয়া আপুনি আপোনাৰ ব্যৱহাৰৰ জৰিয়তে বিশ্বাস বা আত্মবিশ্বাস গঢ়ি তুলিব, তেতিয়া মানুহে আপোনাৰ সৈতে সংযোগ স্থাপন কৰিব। আনকি, সকলোৱে আপোনাৰ কাম বা কোম্পানীক বিশ্বাস কৰিব।
৮. শিকিবলৈ ইচ্ছা আৰু ৰিস্ক লোৱা: ৰতন টাটাৰ মতে জীৱনত সদায় নতুন কিবা এটা শিকিব লাগে। লগতে যিকোনো কাম বা সিদ্ধান্তত ৰিস্ক লোৱাৰ সাহস থাকিলেহে আপুনি সফল হ’ব পাৰিব।
