একধৰণৰ জটিল ৰোগত আক্ৰান্ত কণমানি সমৃদ্ধ ! আপোনাৰ সহায় আৰু প্ৰাৰ্থনাই দেৱশিশুটিক দিব পাৰে ন-জীৱন ৷ এটি কণমানি দেৱশিশু ।
পিতৃ-মাতৃৰ কোলা শুৱনি কৰি ঘৰখন পোহৰাই তুলিছিল কণমানিটিয়ে । তাৰ খিলখিল হাঁহিয়ে সকলোৰে হৃদয়ত চেনেহৰ নৈ বোৱাইছিল । পিতৃ-মাতৃ আৰু কণমানি ককায়েকৰ সৈতে দেৱশিশুটিয়ে ঘৰখনত ৰচিছিল সৰগ । বিপ্লৱজ্যোতি গোঁহাই আৰু চুমি দত্তৰ সন্তান সমৃদ্ধজ্যোতি গোঁহাই ।
কণমানিটিয়ে ছমাহত ভৰি দিছিলহে মাঁথো, তেনেতে আহিল এক ভয়ংকৰ খবৰ । কণমানি সমৃদ্ধ আক্ৰান্ত হ’ল তেজৰ এক জটিল ৰোগত । বৰ্তমান তামিলনাডুস্থিত চেন্নাইৰ এপল’ হাস্পতালত এই জটিল ৰোগৰ চিকিৎসা চলি আছে সমৃদ্ধজ্যোতি গোঁহাইৰ ।
যোৱা ২১ জানুৱাৰীত হাস্পতালৰ কোঠাতে এবছৰীয়া হ’লহি কণমানি সমৃদ্ধ । ইমানদিনে পুত্ৰৰ চিকিৎসা চলাই অহা গোঁহাই দম্পতী শেহতীয়াকৈ সাংঘাতিক আৰ্থিক সমস্যাৰ সন্মুখীন হৈছে ।
তেওঁলোক এতিয়া পুত্ৰৰ চিকিৎসাৰ জটিল পৰ্যায়ত উপনীত হৈছেহি । অতি সোনকালে ব’ন মেৰো ট্ৰেন্সপ্লাণ্ট কৰা হ’ব সমৃদ্ধজ্যোতি গোঁহাইৰ । এই চিকিৎসাৰ খৰচ বহুত বেছি ।
গতিকে সহৃদয়বান লোকসকল আগবাঢ়ি আহি যিয়ে যেনেকৈ পাৰে তেনেকৈ আৰ্থিক সাহায্য আগবঢ়ালে সমৃদ্ধৰ লগতে পৰিয়ালটোৰ মুখলৈ হাঁহি ঘূৰি আহিব । ‘মানুহে মানুহৰ বাবে যদিহে অকণো নাভাবে…অকণি সহানুভূতিৰে ভাবিব কোনেনো কোৱা সমনীয়া’… আহক এটি কণমানিৰ জীৱন ৰক্ষা কৰাত আমি মানৱীয়তাৰ পৰিচয় দাঙি ধৰো ।
সমৃদ্ধজ্যোতিৰ জীৱন সমৃদ্ধ কৰি তোলাত আপুনিও জানো সহায়ৰ হাতখন আগবঢ়াই নিদিব… ৷ প্ৰাৰ্থনাত ভগৱানৰ অপাৰ আশীৰ্বাদ লুকাই থাকে ।
আজি এই কণমানি দেৱশিশুটিক অতিকৈ প্ৰয়োজন আপোনাৰ অকণমান প্ৰাৰ্থনা আৰু সাধ্যনুসৰি আৰ্থিক সাহায্যৰ….৷ সমৃদ্ধজ্যােতিৰ পিতৃ বিপ্লৱজ্যোতি গোঁহাইৰ বেংক একাউণ্টৰ সবিশেষ তলত দিয়া হ’ল-Account No 32393399462 State Bank of India. IFSC Code SBIN0005783 Mission Chariali Branch. Tezpur. Biplab Jyoti Gohain. G-pay no 9954633370
