26.9 C
Assam
Friday, August 19, 2022

Featured News

Two arrested for cattle smuggling in Assam

Assam Police on Thursday arrested two persons...

Assam: 3 nabbed for rhino horn smuggling near Kaziranga

Forest officials in Assam caught three persons...

৫ বছৰত ধর্ষণৰ বলি ১৮,৬৯৩গৰাকী শিশু কন্যা–যুৱতী

Assamese News৫ বছৰত ধর্ষণৰ বলি ১৮,৬৯৩গৰাকী শিশু কন্যা–যুৱতী

প্রধানমন্ত্রী নৰেন্দ্র মোদীৰ বেটী বচাও অভিযানে দেশৰ প্রতিখন ৰাজ্যত বিশেষ গুৰুত্ব লাভ কৰাৰ সময়তে এনে অভিযানক অস্তিত্বহীন কৰি অসমত বিগত ৫ বছৰত ধর্ষণৰ বলি হৈছে ১৮,৬৯৩গৰাকী শিশু কন্যা–যুৱতী৷ অর্থাৎ বছৰি প্রায় তিনি হাজাৰতকৈ অধিক আৰু প্রায় প্রতিদিনে ১০টাকৈ অধিক ধর্ষণৰ ঘটনা সংঘটিত হৈছে অসমত৷

বিধানসভাত সোমবাৰে এই ভয়ংকৰ তথ্য দাঙি ধৰিলে গৃহ বিভাগে৷ কংগ্রেছৰ বিধায়ক প্রদীপ সৰকাৰৰ এক প্রশ্নোত্তৰত গৃহ বিভাগে প্রকাশ কৰা তথ্য অনুসৰি ২০১৬ চনৰ পৰা চলিত বর্ষৰ ৩১ জুলাইলৈকে শিশু কন্যা ধর্ষণ সন্দর্ভত ৭,৬০৭টা গোচৰ ৰুজু কৰা হৈছে৷ ইয়াৰে মুঠ ৫,৯২৩টা গোচৰ আৰু ৬,২৪৯জন অপৰাধীৰ বিৰুদ্ধে অভিযোগনামা দাখিল কৰা হৈছে৷

আনহাতে, মহিলা–যুৱতী ধর্ষণৰ সংক্রান্তত ১১,০৮৬টা গোচৰ ৰুজু কৰা হৈছে৷ ইয়াৰে মুঠ ৮,০২০টা গোচৰৰ অভিযোগনামা ৯,১৯৮জন অপৰাধীৰ বিৰুদ্ধে দাখিল কৰা হৈছে৷ শিশু কন্যাৰ বিৰুদ্ধে সর্বাধিক গোচৰ ৰুজু হৈছে ২০১৮–২০১৯ চনত৷ ২০১৮ চনত ১,৭২১টা আৰু ২০১৯ চনত ১,৭৭৯টা গোচৰ ৰুজু হৈছে৷ পৰিতাপৰ বিষয় যে নাৰীজনিত অপৰাধত অসমে এন চি আৰ বিৰ তথ্য অনুসৰি বিগত পাঁচ বছৰে দেশৰ ভিতৰতে ২০১৬ চনৰ পৰা ২০১৯ চনত ৬নং স্থান দখল কৰি আহিছে৷

লক্ষণীয়ভাৱে ৰাজ্যত ধর্ষণৰ ঘটনা ভয়ংকৰভাৱে বৃদ্ধি পোৱাৰ প্রতি লক্ষ্য ৰাখি প্রতিখন আৰক্ষী থানাতে একোখন মহিলা কোষ গঠনৰ কথা আজি বিধানসভাক জানিবলৈ দিয়ে গৃহ বিভাগে৷ গৃহ বিভাগৰ হৈ সংসদীয় পৰিক্রমা মন্ত্রী পীয়ূষ হাজৰিকাই এই তথ্য প্রকাশ কৰি জানিবলৈ দিয়ে যে অসমৰ ২০০খন আৰক্ষী থানাত অ’মেন হেল্প ডেস্ক গঠনৰ কাম চলি আছে৷

তদুপৰি চি আই ডিৰ বিশেষ আৰক্ষী অধীক্ষকৰ অধীনত ৰাজ্যিক পর্যায়ত ক্রাইম এগেইনষ্ট অ’মেন চেল এটা চি আই ডিক প্রদান কৰা হৈছে৷ যাতে জঘন্য অপৰাধবোৰ তদাৰক কৰিব পৰা যায়৷ উল্লেখনীয় দিশটো হ’ল যে ২০১৬ চনৰ পৰা বিগত ৫ বছৰত প্রতিদিনে গড়ে প্রায় ১০টাকৈ ধর্ষণৰ গোচৰ ৰুজু হোৱাৰ সময়তে এইক্ষেত্রত একাংশ চৰকাৰী বিষয়াৰ বিৰুদ্ধেও এনে গোচৰ ৰুজু হৈছে৷ বিধানসভাৰ তথ্য অনুসৰি মহিলাৰ শালীনতা হানি কৰা মুঠ ১৬জন চৰকাৰী কর্মচাৰীৰ বিৰুদ্ধে এই গোচৰ ৰুজু হৈছে৷ খোদ গুৱাহাটী মহানগৰীতে ২০১৬ৰ পৰা ২০১৯ চনলৈ গৃহৰক্ষী জোৱান, আৰক্ষী বিষয়া, উপ–পৰিদর্শক আৰু কনিষ্টবলসহ ১০জন আৰক্ষীৰ বিৰুদ্ধে মহিলাৰ শালীনতা হানি কৰাৰ গোচৰ ৰুজু হৈছে৷ একেদৰে ২০২০ চনত এজন আই পি এছ বিষয়াৰ বিৰুদ্ধেও শালীনতা হানিৰ গোচৰ ৰুজু হৈছে৷

সেয়াই নহয়, মহিলা আৰু কিশোৰীৰ ওপৰত অত্যাচাৰ চলোৱা ৬৫,৮৪৫টা গোচৰ বিগত পাঁচটা বছৰত ৰুজু হৈছে৷ এই গোচৰৰ বিপৰীতে ৩৮,৪১২খন অভিযোগনামা দাখিল কৰা হৈছে৷ বিধানসভাত প্রকাশ কৰা গৃহ বিভাগৰ তথ্য অনুসৰি মহিলা তথা যুৱতীৰ বাবে হোৱা অপৰাধ ৰোধ কৰাৰ বাবে মহিলা কোষ গঠনৰ জৰিয়তে ১৮১ যোগাযোগ নম্বৰ মুকলি কৰা হৈছে৷ মহিলাসকলে ১৮১ নম্বৰত ফোন কৰি জঘন্য অপৰাধসমূহ আৰক্ষীক অৱগত কৰিব পাৰে৷ তেনে ঘটনা নিৰীক্ষণৰ বাবে এগৰাকী জ্যেষ্ঠ আৰক্ষী বিষয়াক দায়িত্ব আৰোপ কৰা হৈছে৷ ইয়াৰ সমান্তৰালকৈ ফেচবুক, টুইটাৰ আদি সামাজিক মাধ্যমত সক্রিয় থাকি চাইবাৰ ক্রাইমৰ সবিশেষ দাখিল কৰাৰ বাবে উদগনি জনোৱা হৈছে৷

Check out our other content

Check out other tags:

Most Popular Articles

error: Content is protected !!
%d bloggers like this: