29.8 C
Assam
Friday, August 19, 2022

Featured News

Two arrested for cattle smuggling in Assam

Assam Police on Thursday arrested two persons...

Assam: 3 nabbed for rhino horn smuggling near Kaziranga

Forest officials in Assam caught three persons...

উত্তপ্ত বোকাখাতৰ মেঠনি চাহ বাগিছাত উত্তপ্ত পৰিস্থিতি

Assamese Newsউত্তপ্ত বোকাখাতৰ মেঠনি চাহ বাগিছাত উত্তপ্ত পৰিস্থিতি

 বোকাখাতৰ মেঠনি চাহ বাগিছাত (Methoni tea estate) উত্তপ্ত পৰিস্থিতি । বন বিভাগ আৰু বাগিছা কৰ্তৃপক্ষৰ মাজত তীব্ৰ বিবাদ চলি থকাৰ মাজতে এক বিশেষ নিৰ্দেশনাই এতিয়া কঁপাই তুলিছে বাগিছা অঞ্চল । কাজিৰঙা ৰাষ্ট্ৰীয় উদ্যানৰ অধীনৰ বন বিভাগৰ মাটি এৰি দিব লাগিব মেঠনি বাগিছাখনে । অহা ৩১ আগষ্টত শেষ সময়সীমা দিছে কাজিৰঙা ৰাষ্ট্ৰীয় উদ্যান (Kaziranga National Park) কৰ্তৃপক্ষই ।

বন বিভাগৰ জাননী লাভ কৰি সৰৱ হৈ পৰিছে চাহ শ্ৰমিক আৰু কৰ্মচাৰীসকল । তেওঁলোকৰ মতে ১৯১২ চনৰ পৰাই বিবাদমান ভূমিত চাহ পুলি ৰোপন কৰি ১৯২৪ চনৰ পৰা পাত সংগ্ৰহ কৰি আহিছে বাগিছা কৰ্তৃপক্ষই । ১৯৮৯ চনত বন বিভাগে পানবাৰী ফৰেষ্ট ৰিজাৰ্ভৰ ভূমি নিৰ্ধাৰণ কৰি বাগিছাৰ সীমাত ২ টা পকী পিলাৰ স্থাপন কৰিছিল ।

লক্ষণীয়ভাৱে মেঠনি বাগিছা কৰ্তৃপক্ষই ১৯২৪ চনৰ পৰা উক্ত ৯ নং শাখাৰ পৰা পাত সংগ্ৰহ কৰি অহিছিল যদিও হঠাৎ ২০২১ চনৰ ১২ আগষ্ট তাৰিখে কাজিৰঙা উদ্যান কৰ্তৃপক্ষই মাটি হস্তান্তৰ কৰাৰ জাননী প্ৰদান কৰে । যাৰ বাবে শ্ৰমিকসকল চৰকাৰৰ বিৰুদ্ধে ক্ষোভিত হৈ পৰিছে । ইফালে সমগ্ৰ বিষয়টোত মৌনতা অৱলম্বন কৰিছে অসম চাহ মজদুৰ সংঘই (Assam Chah Mazdoor Sangh) । যাৰ বাবে মজদুৰ সংঘৰ বোকাখাত শাখাৰ বিৰুদ্ধেও সৰৱ হৈ পৰিছে মেঠনি বাগিছাৰ শ্ৰমিকসকল ।

ইফালে শ শ শ্ৰমিকে বৃহস্পতিবাৰৰ দিনটোত বাগিছখনত তীব্ৰ প্ৰতিবাদ সাব্যস্ত কৰা দেখা যায় । এক ইঞ্চি ভূমিও বন বিভাগক নিদিয়ে বুলি হুংকাৰ দিয়ে শ্ৰমিকসকলে । অৱশ্যে ৩১ আগষ্টৰ পাছতহে গম পোৱা যাব প্ৰকৃততে কাৰ হাতলৈ যায় প্ৰায় ৩৫ বিঘা মাটি !

Check out our other content

Check out other tags:

Most Popular Articles

error: Content is protected !!
%d bloggers like this: